Мінскае "Дынама" апынулася на апошнім месцы ў КХЛ
Гэта здарылася пасля таго, як аўтсайдэр, браціслаўскі "Слован", сёння выйграў у Хабараўску ў "Амура" — 5:2.
Нагадаем, у панядзелак мінскія дынамаўцы дома прайгралі з такім жа лікам "Барысу" з Астаны. У "Дынама" 7 ачкоў пасля 10 матчаў і 28-е месца, "Слован" з 10 ачкамі падняўся на 23-ю пазіцыю.
2 кастрычніка каманда Аляксандра Андрыеўскага прымае "Югру" з Ханты-Мансійска, пачатак гульні а 19-й гадзіне.
Фота — hcdinamo.by, gazeta.ru
