Мінінфарм забараняе кнігі. Даведаліся, ці можна іх захоўваць дома

Даведаліся, ці можна іх захоўваць дома

Даведаліся, ці можна іх захоўваць дома / Euroradio.fm

Мінінфарм абнаўляе спіс кніг, якія могуць "пашкодзіць нацыянальным інтарэсам". З фармулёвак чыноўнікаў вынікае, што гэтыя выданні нельга прадаваць, але заўсёды лепш удакладніць.

Еўрарадыё паспрабавала высветліць, ці можна кнігі з "чорнага спісу" (пры гэтым не экстрэмісцкія) захоўваць дома.

Мінінфарм: "Чытайце закон"

Пад выглядам чалавека, у якога дома знайшлася кніга, "якая наносіць шкоду нацыянальнай бяспецы Беларусі", тэлефаную ў Міністэрства інфармацыі (менавіта яно рэгулярна папаўняе спіс забароненай літаратуры).

Адказная за гэтыя спісы супрацоўніца адмаўляецца расказаць, што трэба рабіць з кнігай і ці буду я лічыцца парушальнікам, калі адну з такіх кніг знойдуць у мяне дома.

Мининформ запрещает книги. Узнали, можно ли их хранить дома
Кнігі ў Беларусі трэба здаваць у міліцыю / unsplash.com

На ўсе пытанні яна адказвае проста і лаканічна: "Чытайце закон".

Міліцыя: "Здавайце!”

У міліцыі не адразу зразумелі сутнасць нашага звароту (мабыць, былі не ў курсе новых спісаў Мінінфарма). Але, параіўшыся з калегамі, міліцыянт цвёрда адзначыў: "Здавайце!”

Прыходзіць да вас у пастарунак з гэтай кнігай і здаваць? перапытваю яго.

Так, менавіта так.

"Забароненая літаратура"

Цяпер у "чорным спісе" Мінінфарма 92 кнігі.

У спісе ёсць кніга "Жалезная заслона. Задушэнне Усходняй Еўропы (1946-1956) " журналісткі і даследчыцы Эн Эплбаум, жонкі міністра замежных спраў Польшчы Радаслава Сікорскага.

Таксама шкодным для беларускіх чытачоў чыноўнікі палічылі раман Дэвіда Мітчэла "Воблачны атлас". Паводле гэтага рамана ў 2012 годзе рэжысёры Цім Тыквер, Лана і Эндру Вачоўскі знялі аднайменны фільм.

Акрамя таго, у пераліку ёсць раманы Крыстафера Ішэрвуда, Майкла Канінгема, Ханьі Янагіхары і іншых аўтараў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.