Мінчан падманвалі на фіктыўнай дастаўцы кветак

Ашуканцы прыкінуліся анлайн-крамай кветак і падманулі 80 мінчукоў на суму больш за 15 тысяч рублёў, піша Следчы камітэт. Зламыснікі працавалі праз Instagram ад імя акаўнта belbuket_by.

Следчыя распавялі, як працавалі схемы махляроў, на прыкладзе аднаго з падманутых мінчукоў.

"Замовіўшы праз Instagram букет, жыхар сталіцы ўнёс поўны кошт пакупкі. Тады яму паведамілі, што дастаўка ажыццяўляецца за дадатковую плату і аформіць яе магчыма праз мэсэнджар", — распавялі следчыя.

У мэсэнджары прадавец даслаў пакупніку спасылку для аплаты. Мужчына перайшоў па ёй і ўвёў дадзеныя сваёй банкаўскай карты, а таксама Пашпартныя дадзеныя. Затым зламыснікі запатрабавалі даслаць фатаграфію пашпарта. Калі "пакупнік" выканаў патрабаванні, перапіска была выдаленая, а з яго рахунку зніклі грошы.

Перш чым была спісаная ўся сума, мінчук паспеў заблакаваць карту.

У фальшывай крамы былі добрыя водгукі ў "Instagram", так што збеглая праверка акаўнта не засцерагла пакупнікоў кветак ад махляроў.