Матч за Суперкубак Беларусі адбудзецца ў футбольным манежы "Мінска"
Першым афіцыйным матчам чэмпіянату Беларусі сезона-2014 стане гульня за Суперкубак краіны. У ёй сустрэнуцца футбольныя клубы БАТЭ і "Мінск".
Гэтая сустрэча пройдзе ў суботу, 15 сакавіка, на сінтэтычным пакрыцці сталічнага футбольнага манежа (праспект Пераможцаў, 20/2), паведамляе сайт tribuna.com.
Пачатак гульні — а 16-й.
Жывую трансляцыю матчу будзе весці тэлеканал "Беларусь 5".
