Letapis — спявачка Юстына Карпіловіч выдала новы альбом
Альбом Letapis / fecebook.com
Спявачка Юстына Карпіловіч выдала новы альбом пад назвай Letapis, у які ўвайшлі песні на вершы вядомых беларускіх паэтаў.
— Ідэя прыйшла мінулым летам, калі мая маці задала вельмі лагічнае, але даволі неадназначнае пытанне: а чаму б нам не запісаць новы альбом? Мой першы досвед быў зусім іншы і я не ведала, якім чынам магу ўзяцца за новую працу. Але ўзялася і — праз памылкі і слёзы, радасць і сяброўства, любоў і цярпенне — дабралася да гэтага моманту, — піша Юстына на сваёй старонцы ў інстаграме. — Альбому не было б без маіх музыкаў: маёй мамы Таццяны, якая выканала партыі баяна; майго брата Геральда, які вельмі шмат зрабіў (калімба, барабан, флейта, спеў і не толькі) і маіх сяброў, якія былі не толькі працавітымі калегамі, але і падтрымкай.
