Кітай запрасіў на аздараўленне 200 беларускіх дзяцей
Жыхары рэгіёнаў, пацярпелых ад аварыі на ЧАЭС, змогуць паправіць здароўе ў Паднябёснай улетку 2014 года.
Пра гэта гаворыцца ў сумеснай дэкларацыі пра ўсталяванне ўсебаковага стратэгічнага партнёрства, якую сёння падпісалі ў Пекіне Аляксандр Лукашэнка і Сі Цзіньпін.
Беларусь і Кітай дамовіліся прыкласці высілкі да развіцця шматпланавага гуманітарнага супрацоўніцтва ва ўсіх сферах і на розных узроўнях. Кітайскі бок вітае павелічэнне колькасці беларускіх студэнтаў, якія навучаюцца ў Кітаі, і падтрымаў пашырэнне выкладання кітайскай мовы ў Беларусі, паведамляе БелТА.
Фота: www.ej.by.
