"Кіберпартызаны" і Silent Crow заявілі пра ўзлом сістэмы "Аэрафлота"
Калаж "Кіберпартызанаў" пасля атакі на "Аэрафлот" / Wikimedia
"Аэрафлот" за раніцу адмяніў ужо 47 рэйсаў, у тым ліку ў Мінск і з Мінска.
Да гэтага датычныя "Кіберпартызаны": яны заяўляюць, што разам з хактывістамі з Silent Crow скампраметавалі і знішчылі ўнутраную IT-інфраструктуру расійскай авіякампаніі.
"Кіберы" распавядаюць, што знаходзіліся ў карпаратыўнай сетцы "Аэрафлота" цягам года. Яны выгрузілі ўсю гісторыю пералётаў, атрымалі кантроль над персанальнымі камп'ютарамі супрацоўнікаў (у тым ліку з вышэйшага кіраўніцтва), скапіявалі даныя з сервераў праслушкі і шмат што іншае.
"У выніку дзеянняў было знішчана каля 7000 сервераў — фізічных і віртуальных. Аб'ём атрыманай інфармацыі: 12TB баз даных, 8TB файлаў з Windows Share, 2TB карпаратыўнай пошты, — сцвярджаюць хактывісты. — Усе гэтыя рэсурсы цяпер недасяжныя ці знішчаныя. Аднаўленне будзе патрабаваць, магчыма, дзясяткаў мільёнаў долараў. Шкода — стратэгічная".
"Аэрафлот" тым часам паведамляе пра "збой у працы інфармацыйных сістэм", у сувязі з якім "чакаецца вымушаная карэктаванне ў раскладзе рэйсаў".
