Канапацкая разлічвае набраць на выбарах "50% +1 голас"
Ганна Канапацкая плануе набраць больш за 50% / Facebook
Кандыдатка ў прэзідэнты Ганна Канапацкая заявіла, што разлічвае набраць на гэтых выбарах 50%+1 голас, гэта значыць перамагчы. Пра гэта яна заявіла пасля галасавання ў гімназіі №36 Мінска.
Канапацкая распавяла, што са сваёй камандай зрабіла ўсё магчымае, каб забяспечыць станоўчы вынік і прызналася, што трошкі хвалюецца.
Яна таксама звярнула ўвагу, што электаральная кампанія 2020 года паўплывала і на выбары-2025.
"Мы бачылі, з аднаго боку, была насцярожанасць людзей, з другога, была якасная праца беларускай улады ў супрацьдзеянні ўсялякім выпадкам нядобрасумленнай канкурэнцыі пры правядзенні выбараў", — сказала Канапацкая.
На гэтых выбарах Ганна называе сябе "рэальным апанентам улады".
"Якасная праца беларускай улады", пра якую згадала Канапацкая, — пяць гадоў рэпрэсій супраць апанентаў, НДА, медыя, прымус да эміграцыі сотняў тысяч беларусаў, адсутнасць незалежных кандыдатаў на выбарах і больш за 1,2 тысячы палітвязняў. Некаторых з іх Канапацкая адкрыта крытыкуе.
