За месяц у РБ зафіксавалі паўтысячы выпадкаў палітычна матываваных рэпрэсій
У Беларусі працягваюцца рэпрэсіі / Euroradio
З'явіўся агляд сітуацыі з правамі чалавека ў Беларусі ў студзені 2025-га. За месяц у Беларусі праваабаронцы "Вясны" зафіксавалі 506 выпадкаў палітычна матываваных рэпрэсій (найперш затрыманняў і ператрусаў). На працягу студзеня было вынесена не менш за 175 палітычна матываваных прысудаў. Былі таксама як мінімум 295 палітычна матываваных рашэнняў па адміністрацыйных справах.
Адзначаецца, што рэжым Лукашэнкі рыхтуе "магчымасці для новых шырокамаштабных, у тым ліку трансгранічных рэпрэсій". Для гэтага плануюцца новыя змены ў Крымінальны кодэкс.
Маніторынг усіх этапаў "выбарчай кампаніі", праведзены кампаніяй "Праваабаронцы за свабодныя выбары" , дазваляе зрабіць выснову, што "выбары прэзідэнта" не адпавядалі міжнародным стандартам правядзення дэмакратычных і свабодных выбараў. Яны суправаджаліся шматлікімі парушэннямі выбарчага заканадаўства.
Колькасць палітвязняў у РБ па-ранейшаму перавышае 1200 чалавек.
