Мабільны тэлефон выратаваў жанчыне жыццё падчас бойні ў Лас-Вегасе
33-гадовую жанчыну падчас бойні ў Лас-Вегасе 1 кастрычніка выратаваў iPhone 7 Plus: куля раструшчыла корпус дэвайса, піша lenta.ru са спасылкай на тэлеканал KLAS.
Паведамляецца, што куля трапіла ў заднюю ніжнюю частку корпуса смартфона, які знаходзіўся ў чахле. Гаспадыня iPhone ўцякла з месца бойні цэлай.
Невядома, ці трапіла куля ў смартфон прама ці зрыкашэціла ў бок жанчыны.
1 кастрычніка 64-гадовы амерыканец Стывен Пэддак з гаўбца 32-га паверха гатэля адкрыў агонь з аўтаматычнай зброі па ўдзельніках фестывалю кантры-музыкі. Потым ён скончыў жыццё самагубствам. З-за яго дзеянняў загінулі 59 чалавек, пацярпелі больш за 500.
