Ініцыятыва MALDZIS выкупіла першае выданне “Жазла кіравання” Сімяона Полацкага
Першае выданне “Жазла кіравання” Сімяона Полацкага / @maldzisworldby
Ініцыятыва MALDZIS выкупіла першае выданне “Жазла кіравання” Сімяона Полацкага. Гэта адзін з найбольш каштоўных кніжных помнікаў, створаных беларусамі.
Старадрук
“Жазло кіравання” (“Жезлъ правленіѧ”) было надрукаванае ў Маскве ў 1667 годзе і належыць да рэдкіх артэфактаў. Гэта першая выдадзеная кніга беларускага манаха-асветніка Сімяона Полацкага.
Старадрук набыты ў Польшчы на сродкі беларускіх ахвярадаўцаў. Ён будзе перададзены ў Музей-бібліятэку Сімяона Полацкага ў якасці грамадскага падарунка. А да вяртання ў Полацк кніга будзе выстаўляцца за межамі Беларусі.
