Грузчыка мінскага гастранома заціснула ліфтам
Трагічны выпадак адбыўся 2 красавіка ў мінскім гастраноме "Цудоўны экспрэс", паведамляе прэс-служба Дзяржпрамнагляду.
Грузчыка выявілі ў сутарэнні будынка пры адчыненых дзвярах шахты грузавога ліфта і нерухомай кабіне. Перадплечча і галава мужчыны былі заціснутыя паміж кабінай і парогам пасадачнай пляцоўкі другога паверха.
Ратавальнікі дэблакавалі загінулага мужчыну.
Ліфт выведзены з эксплуатацыі, пакуль не высвятляць тэхнічныя прычыны здарэння.
