"А гэта ён надзявае пратэзам мне пярсцёнак": як каханне Яны выратавала Міколу

Украінскі вайсковец Мікола Варанчук страціў на вайне руку — але знайшоў Яну. Яна прыехала да яго праз некалькі дзён пасля ампутацыі, зайшла ў палату, і яны больш не разлучаліся. Замест правай рукі ў Міколы — біянічны пратэз. А левай ён заўсёды трымае Яну за руку.

Еўрарадыё пазнаёмілася з Янай і Міколам на ўкраінскім Закарпацці. Тут працуе цэнтр пратэзавання Protez Foundation. Яго сузаснавальнік — амерыканскі бізнесмен з беларускімі каранямі Юрый Арашыдзе.

У Украіне ўсе ведаюць, што ў Арашідзэ — беларускія карані.

Але ва Украіне таксама ведаюць, што дзякуючы яму сотні ўкраінскіх вайскоўцаў змаглі ўстаць на ногі пасля ампутацыі. Юрый і яго калега, доктар-пратэзіст Якаў Градінар, стварылі дабрачынны фонд Protez Foundation. Вось ужо некалькі гадоў дзякуючы фонду вайскоўцы атрымліваюць бясплатныя пратэзы рук і ног — могуць зноў хадзіць (нават у горы) і абдымаць блізкіх.

Вы таксама можаце дапамагчы. Заданаціць можна тут.