Галалёдзіца і да -18 уначы — прагноз надвор'я ў Беларусі на чацвер

У чацвер, 20 лютага, у Беларусі чакаецца воблачнае з праясненнямі надвор'е, паведамляе Белгідрамет.

Уначы месцамі пройдзе невялікі кароткачасовы снег, удзень будзе без істотных ападкаў. Уначы і зранку ў асобных раёнах прагназуецца слабы туман. На асобных участках дарог будзе галалёдзіца, тапму сіноптыкі абвясцілі жоўты ўзровень небяспекі. Вецер чакаецца няўстойлівы слабы.

Тэрмометры ўначы пакажуць 9-15 градусаў ніжэй за нуль, пры праясненнях прагназуецца -16...-18. Удзень чакаецца 1-6 градусаў марозу, па паўднёвым захадзе будзе ад 0 да +1.

21-22 лютага ўмовы надвор'я будзе пераважна вызначаць халодны антыцыклон з цэнтрам над паўднёвым усходам Беларусі.