Фанаты ФК "Слуцк" абвясцілі байкот хатнім матчам каманды
Нагодай стаў нядаўні інцыдэнт, калі міліцыя затрымала 34 футбольных фанатаў.
Фанаты футбольнага клуба "Слуцк" вырашылі байкатаваць хатнія матчы каманды, паведамляе сайт belultras.by.
"У сувязі з апошнімі падзеямі было прынята сумеснае рашэнне не хадзіць на хатнія гульні. Няхай наш другі дом будзе пуставаць і закрыты для нас цяпер, але рана ці позна мы прыйдзем! Каманда не застанецца без падтрымкі на выязных матчах!" — заявілі заўзятары клуба на сваёй старонцы ў інстаграме.
Нагодай для такіх дзеянняў стаў нядаўні інцыдэнт у Слуцку. 12 ліпеня там праходзіла гульня паміж мясцовай камандай і салігорскім "Шахцёрам". Фанаты клубаў збіраліся пабіцца, міліцыя затрымала 34 чалавекі — прычым толькі 2 з іх былі фанатамі "Шахцёра".
Нагадаем, цяпер матчы сваіх камандаў байкатуюць фанаты мінскага "Дынама", наваполацкага "Нафтана", "Віцебска". Фанаты бабруйскай "Белшыны" нядаўна спынілі байкот хатніх матчаў каманды.
Фота: belultras.by
