ЕС і ЗША дамовіліся прыцягнуць Мінск да адказнасці за пасадку рэйса Ryanair

На саміце ЕС-ЗША дамовіліся прыцягнуць улады Беларусі да адказнасці за інцыдэнт з экстраннай пасадкай самалёта Ryanair ў Мінску:

"Мы поўныя рашучасці прыцягнуць рэжым Лукашэнкі да адказнасці за парушэнні правоў чалавека і асноўных свабод і за пагрозу бяспецы палётаў у выніку беспрэцэдэнтнай і непрымальнай прымусовай пасадкі пасажырскага самалёта ЕС па ілжывай падставе і арышту журналіста", — гаворыцца ў заяве, якую цытуе ТАСС.

Таксама кіраўнікі Еўрасаюза і ЗША заявілі, што падтрымліваюць патрабаванні беларусаў наконт правоў чалавека і дэмакратыі.