"Экстрэмісцкімі" прызналі сацсеткі журналіста, які браў інтэрв'ю ў Лукашэнкі
Дзмітрый Гардон і Аляксандр Лукашэнка / прэс-служба Лукашэнкі
У Беларусі прызналі "экстрэмісцкімі" сацсеткі ўкраінскага журналіста Дзмітрыя Гардона. Адпаведнае рашэнне прыняў 26 лютага суд Цэнтральнага раёна Мінска.
"Усе акаўнты Гардона на ўсіх платформах прызнаныя экстрэмісцкімі матэрыяламі", — каментуе набліжаны да ГУБАЗіК тэлеграм-канал.
Дзмітрый Гардон у жніўні 2020-га перад выбарамі ўзяў інтэрв'ю ў Аляксандра Лукашэнкі. Іх размову з усімі фота- і відэаматэрыяламі дагэтуль можна пабачыць на сайце Лукашэнкі.
Пазней Гардон асудзіў жорсткі разгон беларускіх пратэстаў. За гэта Лукашэнка заявіў, што журналіста трэба пасадзіць у следчы ізалятар у Беларусі.
