Дзмітрый Семчанка не выйшаў на волю пасля 15 сутак, яго зноў будуць судзіць

Дзмітрый Семчанка не выйшаў на волю пасля 15 сутак адміністрацыйнага арышту, яго зноў будуць судзіць. Яго жонка Юлія піша, што Семчанку "перазатрымалі", завезлі ў РУУС, а пасля вярнулі на Акрэсціна. Чакаецца, што суд будзе ў панядзелак.

Дзмітрый Семчанка — былы кіраўнік прэзідэнцкага пула журналістаў тэлекаканала АНТ. Пасля падзей жніўня 2020-га ён сышоў з працы, у верасні таго года яго затрымалі і асудзілі на 15 сутак за ўдзел у пратэстах. Пасля звальнення з АНТ Семчанка працаваў у PR-сферы.

16 верасня сёлета стала вядома, што Дзмітрыя Семчанку асудзілі на 15 сутак адміністрацыйнага арышту за "дробнае хуліганства", яго жонку Юлію аштрафавалі на 960 рублёў за рэпосты "экстрэмісцкіх" каналаў.