Дваіх віцяблян будуць судзіць за вярбоўку сэкс-рабыняў
Іх затрымалі падчас спробы вывезці дваіх жыхарак Міншчыны ў расійскія бардэлі.
Мінскі раённы аддзел Следчага камітэту завяршыў расследаванне крымінальнай справы ў дачыненні групы асобаў, якія займаліся вярбоўкай дзяўчат для заняткаў прастытуцыяй за межамі Беларусі.
Па справе праходзяць двое хлопцаў з Віцебска — аднаму з іх 21 год, іншаму 23. З лістапада 2014 года па люты 2015 год яны займаліся падборам і вербоўкай дзяўчат у сацыяльных сетках. Яны знаёміліся з дзяўчатамі і прапаноўвалі ім працу з вялікімі прыбыткамі і вольным графікам.
Хлопцаў затрымалі падчас спробы вывезці двзвюх жыхарак Мінскай вобласці ў Сант-Пецярбург для заняткаў прастытуцыяй.
Дзеянні маладых людзей кваліфікаваныя як замах на выкарыстанне занятку прастытуцыяй іншай асобай, звязанае з вывазам асобы за межы дзяржавы.
Крымінальная справа накіраваная ў суд, паведамляе прэс-служба Следчага камітэта.
У Гомелі асудзілі двух сутэнёраў з Расіі
Фота з архіву
