Два мікрараёны ў Мінску былі без вады
Камунальная аварыя ва Уруччы / "Мінск-навіны"
Два мікрараёны Мінска засталіся без вады. Пра гэта піша інфарагенцтва "Мінск-Навіны" са спасылкай на паведамленні падпісчыкаў.
Выданне апублікавала фатаздымак з вуліцы ва Уруччы. На ім бачна, як патокі вады бягуць па праезнай частцы дарогі.
"Мінскводаканал" паінфармаваны пра здарэнне. Там кажуць, што пасля аднаўлення водазабеспячэння нейкі час вада будзе падавацца з дамешкамі.
За апошнія тыдні гэта не першая буйная аварыя з вадой у Мінску. Два тыдні запар без вады заставаліся жыхары дамоў у раёне вуліц Гамарніка, Мірашнічэнкі, Каліноўскага, Карбышава.
