Дажджы з навальніцамі ў аўторак чакаюцца толькі па ўсходзе Беларусі

У аўторак, 5 жніўня, у Беларусі прагназуецца пераменная воблачнасць, паведамляе Белгідрамет.

Уначы і зранку ў асобных раёнах, а ўдзень месцамі па ўсходзе краіны чакаюцца кароткачасовыя дажджы і навальніцы. Сіноптыкі абвясцілі жоўты ўзровень небяспекі. Уначы і зранку месцамі будзе слабы туман. Вецер чакаецца заходні, уначы — ад слабога да ўмеранага, удзень — умераны.

Тэрмометры ўначы пакажуць 11-17 градусаў цяпла, удзень будзе +22...+28 градусаў.

У наступныя дні пахаладае. У сераду кароткачасовыя дажджы пройдуць на большай частцы тэрыторыі Беларусі.