Дажджы, навальніцы і парывісты вецер — у пятніцу зноў аранжавы ўзровень
Дождж, ілюстрацыйнае фота
У пятніцу, 20 чэрвеня, у Беларусі чакаецца воблачнае з праясненнямі надвор'е, паведамляе Белгідрамет.
На большай частцы тэрыторыі краіны пройдуць дажджы, месцамі — з навальніцамі. Удзень у асобных раёнах прагназуюцца моцныя дажджы. Вецер будзе заходні, паўночна-заходні ўмераны, у многіх раёнах — парывісты, да 15-20 метраў за секунду. У прыватнасці, такія парывы ветру чакаюцца ў Мінску. Сіноптыкі абвясцілі аранжавы ўзровень небяспекі.
Тэрмометры ўначы пакажуць 8-13 градусаў са знакам "плюс". Удзень прагназуецца 12-18 цяпла, па захадзе Беларусі будзе +19...+21 градус.
На выходных, як кажуць сіноптыкі, у Беларусі таксама чакаюцца кароткачасовыя дажджы і моцны парывісты вецер. Удзень у нядзелю тэрмометры пакажуць ад +16 па паўночным усходзе да +27 градусаў па паўднёвым захадзе краіны.
