Да чэмпіянату Беларусі не дапусцілі "Белшыну", "Дняпро" і брэсцкае "Дынама"
Гэтым клубам было адмоўлена ў выдачы ліцэнзій на ўдзел у футбольным першынстве.
Такое рашэнне 11 сакавіка прыняў ліцэнзійны камітэт Беларускай федэрацыі футбола. Паведамляецца, што клубы з Бабруйска, Брэста і Магілёва не выканалі фінансавыя крытэрыі сістэмы ліцэнзавання. Яны маюць магчымасць падаць апеляцыю.
Як паведамляе Беларуская федэрацыя футбола, за невыкананне шэрагу кадравых крытэрыяў былі накладзеныя санкцыі на наваполацкі "Нафтан" і гродзенскі "Нёман". Якія менавіта былі парушэнні, невядома.
Нагадаем, чэмпіянат Беларусі па футболе ў вышэйшай лізе пачнецца 29-30 сакавіка. Каляндар гульняў можна пабачыць тут.
Фота — ria.ru
