Да +30 будзе ў Беларусі ў чацвер
Спёка, ілюстрацыйнае фота / pixabay.com
У чацвер, 14 жніўня, у Беларусі чакаецца малавоблачнае і без ападкаў надвор'е, паведамляе Белгідрамет.
Уначы і зранку ў асобных раёнах прагназуецца слабы туман. Вецер уначы будзе няўстойлівы слабы, удзень — паўночны, паўночна-ўсходні ад слабога да ўмеранага.
Тэрмометры ўначы пакажуць 8-14 градусаў за знакам "плюс", па паўднёвым захадзе краіны будзе да +17. Удзень чакаецца 22-27 градусаў цяпла, па паўднёвым захадзе краіны паветра прагрэецца да +30 градусаў. У сувязі з гэтым сіноптыкі абвясцілі жоўты ўзровень небяспекі.
Такое ж надвор'е захаваецца і ў наступныя дні: удзень будзе ад 20-21 градуса цяпла па поўначы краіны да +30...+32 градусаў па паўднёвым захадзе. У пятніцу ў Беларусі будзе малавоблачна. А вось у суботу па большай частцы тэрыторыі пройдуць дажджы, па поўначы месцамі — моцныя. Удзень у асобных раёнах прагрымяць навальніцы.
