Ціханоўская: беларускае грамадства перарасло дыктатара

Святлана Ціханоўская выступіла з лекцыяй на канферэнцыі RaAM у Амстэрдаме. Яна распавяла пра барацьбу беларусаў за сваю краіну цягам гісторыі і цяпер.

"На працягу трох дзесяцігоддзяў Беларусь заставалася чорнай плямай на карце Еўропы — забытай і ізаляванай.

Занадта часта за Лукашэнкам свет не бачыць найлепшае ў Беларусі — яе народ", — сказала ў лекцыі Ціханоўская.

Ціханоўская падкрэсліла: пакуль Лукашэнка будаваў таталітарную дзяржаву, "беларускае грамадства ішло сваім шляхам — заходнім, еўрапейскім шляхам".

"Беларускае грамадства перарасла дыктатара. Пяць гадоў таму мы ўбачылі яго росквіт на вуліцах Беларусі, калі мільёны беларусаў паўсталі супраць дыктатуры".