Ці можна ўзяць у школу красоўкі замест зменнага абутку?

Беларускім школьнікам не дазволяць насіць красоўкі замест зменнага абутку, вынікае з адказу Камітэта па адукацыі Мінгарвыканкама.

Напярэдадні навучальнага года там вырашылі адказаць на найбольш папулярныя пытанні, якія ўзнікаюць у школьнікаў і бацькоў.

"На занятках вучні павінны прытрымлівацца дзелавога стылю ў адзенні. Пры выбары школьнага абутку неабходна ўлічваць той факт, што абутак з’яўляецца элементам стылю адзення", — гаворыцца ў адказе.

Нягледзячы на тое, што дакладнага адказу супрацоўнікі камітэта так і не далі, можна меркаваць, што красоўкі яны не гатовыя лічыць элементам дзелавога стылю.

Дарэчы, у цэлым неабходнасць наяўнасці зменнага абутку нарматыўнымі дакументамі не рэгламентуецца. Але кожная школа можа самастойна вызначаць правілы.