Часопісы “Полымя” і “Маладосць” зоймуцца эксперыментамі
Гэта паабяцаў старшыня Саюза пісьменнікаў Беларусі Мікалай Чаргінец.
Паводле яго словаў, калі гэта часопісы для моладзі, яны павінны адпавядаць свайму профілю і друкаваць не адзінкавыя матэрыялы маладых пісьменнікаў, а “цалкам даваць ім магчымасць праявіць сябе”. Пра гэта Чаргінец заявіў у інтэрв’ю БЕЛТА. Ён лічыць, што рэдактары баяцца пайсці на такі крок, бо думаюць, што маладых аўтараў ніхто не будзе чытаць. Але сітуацыю трэба мяняць.
У 2014 годзе афіцыйны Саюз пісьменнікаў працягне бясплатна выдаваць невялікія кнігі літаратараў-пачаткоўцаў. Летась выйшла каля 40 такіх кніг.
