Брастаўчанку, асуджаную за "карагодную справу", асудзілі і за абразу Лукашэнкі

Брастаўчанку Алену Гнаук пакаралі трыма гадамі "хатняй хіміі". Яе прызналі вінаватай у абразе Аляксандра Лукашэнкі, пішуць праваабаронцы "Вясны". 

Гнаук — адна з фігурантак брэсцкай "карагоднай справы". Па ёй 64-гадовую жанчыну асудзілі на два гады "хатняй хіміі" сёлета ў траўні. 

Падчас суда па "карагоднай справе" пенсіянерка сказала: "9 жніўня мінулага года ўлада захапіў не зусім здаровы псіхічна чалавек". Гэта стала падставай для чарговай крымінальнай справы супраць яе.

Алена Гнаук на судзе не прызнала віну і хадайнічала пра незалежную лінгвістычную экспертызу. Аднак суддзя Дзмітрый Куроўскі адхіліў хадайніцтвы.

Па цяперашняй справе ёй прысудзілі яшчэ два гады "хатняй хіміі". Пры гэтым суд пастанавіў, што разам з папярэднім прысудам яна будзе адбываць агулам тры гады "хатняй хіміі". 

Гнаўк здымала на відэа абвяшчэнне ўласнага прысуду. За гэта яе пасля заканчэння пасяджэння затрымалі.