Беларусы з падвойным грамадзянствам могуць трапіць пад мабілізацыю ва Украіне
Цяпер падпасць пад мабілізацыю могуць людзі да 60 гадоў / КМДА
У час ваеннага становішча ва Украіне ў шэрагі УСУ могуць мабілізаваць ваеннаабавязаных асоб, якія маюць падвойнае грамадзянства, піша тэлеканал ТСН са спасылкай на адваката Расціслава Кравеца.
"Калі ў вас есць грамадзянства іншай краіны і вы афіцыйна не выйшлі з грамадзянства Украіны, гэта не перашкода вашай мабілізацыі ў час ваеннага становішча", – кажа Кравец.
Выключэннем з'яўляюцца мужчыны, якія выязджаюць на сталае месца жыхарства за мяжой. Для іх прадугледжанне здыманне з вайсковага ўліку ва Украіне.
Для таго, каб быць знятымі з вайсковага ўліку, беларусам з падвойным грамадзянствам варта падаць у Тэрытарыяльны цэнтр камплектавання і сацыяльнай падтрымкі дакументы, што пацвярджаюць асобу.
Майце на ўвазе, што лімітавы век знаходжання на вайсковай службе ў час мабілізацыі ва Украіне — 60 гадоў.
