Беларуская фура перакрыла польскую нацыянальную дарогу (фота)
Аўтааварыя адбылася недалёка ад мясцовасці Слупна ў Плоцкім павеце Мазавецкага ваяводства.
Па словах паліцыянтаў, калі 39-гадовы беларускі кіроўца фуры ў неасветленым месцы пачаў разварот, у грузавік урэзалася легкавушка.
Як пішуць мясцовыя СМІ, 64-гадовы кіроўца легкавога аўтамабіля Passat з траўмамі галавы і грудной клеткі быў дастаўлены ў бальніцу.
Абодва кіроўцы былі цвярозымі. У выніку аварыі нацыянальная дарога №62 была некаторы час заблакаваная.
Фота — gazeta.pl
