Беларуса звольнілі з працы за тое, што чытаў "экстрэмісцкія" рэсурсы
Сацыяльныя сеткі, ілюстрацыйнае фота / pixabay.com
Жыхар Мастоўскага раёну быў аштрафаваны і звольнены з працы за нелаяльнасць — ён чытаў "экстрэмісцкія" рэсурсы.
Справаздачу пра гэта далі гродзенскія прапагандысты, заўважыў праваабарончы цэнтр "Вясна".
Прапагандысты паведамілі, што мужчына некалькі гадоў чытаў чатыры "дэструктыўныя інтэрнэт-рэсурсы". Гэта яны залічылі ў "злачынствы экстрэмісцкага і тэрарыстычнага характару".
"На жаль, у яго апраўданне сказаць няма чаго. Казаць у 2025 годзе аб тым, што паддаўся на маніпуляцыі экстрэмісцкіх тэлеграм-каналаў, наіўна і недарэчна. Чалавек даўно выйшаў з узросту "яны ж дзеці", адукаваны, меў важкі сацыяльны статус. Ён добра разумеў, што робіць", — заявілі прапагандысты.
