Славенія перастала патрабаваць у беларусаў апастылі, якія немагчыма атрымаць
Любляна — сталіца Славеніі / pixabay.com
Беларусам у Славеніі сталі выдаваць дазвол на жыхарства без абавязковай падачы даведкі аб несудзімасці. Ёсць выпадкі, калі дзяржаўныя органы Славеніі не патрабавалі ад беларусаў апастыляў, якія немагчыма атрымаць.
Пра гэта расказала прадстаўніца Народнай амбасады Беларусі ў Славеніі Аляксандра Мамаева.
У Міністэрстве ўнутраных спраў Славеніі рэкамендуюць не патрабаваць ад беларусаў даведкі аб несудзімасці і шлюбе, а замяніць іх старымі даведкамі і заявай аб немагчымасці атрымаць гэтыя дакументы бяспечным шляхам.
Акрамя таго, сваякі беларускіх актывістаў у Славеніі сталі атрымліваць доўгатэрміновыя шэнгенскія візы.
Паведамляецца, што ўсе гэтыя змены былі дасягнутыя дзякуючы намаганням грамадзянскай супольнасці і дэмакратычных сіл Беларусі, якія актыўна супрацоўнічаюць з Народнай амбасадай.
