Беларусь адгукнулася на запыт FIFA і прэтэндуе на турніры U-20
Гаворка ідзе пра турніры 2027–2030 гадоў / FIFA
На падставе афіцыйнага запыту FIFA Беларуская федэрацыя футбола паведаміла арганізацыі пра намер правесці ў Беларусі наступныя міжнародныя турніры:
- Чэмпіянат свету FIFA U-20 у 2027/2029/2031 гадах;
- Жаночы чэмпіянат свету FIFA U-20 у 2028/2030 гадах.
Рашэнне аб выбары краіны-гаспадара гэтых турніраў будзе прынята пазней, паведамляе Беларуская федэрацыя футбола.
Гісторыя ўзаемаадносін міжнародных футбольных інстытутаў з Беларуссю
З 2021 года Беларуская федэрацыя футбола падвяргалася крытыцы і абмежаванням з боку FIFA і UEFA з-за палітычнага ўмяшання ў спорт і падтрымкі вайны.
У 2021 годзе Фонд спартыўнай салідарнасці распавёў пра тое, як рэжым Лукашэнкі выкарыстоўваў футбол як інструмент прапаганды і пра ціск на гульцоў і суддзяў.
Федэрацыю футбола Беларусі абвінавачвалі ў сувязях з сілавымі структурамі, што парушае нормы незалежнасці спартыўных арганізацый.
У 2022 годзе UEFA забараніла правядзенне матчаў у Беларусі праз падтрымку ўварвання ва Украіну.
