Арнольд Шварцэнэгер: "Мае думкі з украінскім народам"
У падтрымку Украіны выказаўся амерыканскі актор і палітык Арнольд Шварцэнэгер.
"Мае думкі з украінскім народам. Мяне папрасілі даць некалькі інтэрв'ю, але я лічу, што ў навінах варта працягваць факусавацца на тым, што адбываецца на месцах — на трагедыі, якая разбіла нашы сэрцы, і на мужнасці ўкраінскага народа, якое натхняе нас", — напісаў актор у Фэйсбуку.
Ён адзначыў, што мае сваіх прыхільнікаў і ва Украіне, і ў Расіі. І нколькі яму вядома, ніхто з іх не хоча гэтай вайны.
Шварцэнэгер заявіў, што ведае, як гэта — сталець пасля вайны ў акупаванай краіне.
Актор падкрэсліў, што ён на баку народа Украіны: "Падзяляю ваша гора і надзею на мір. Вы натхняеце мяне сваёй адвагай і чалавечнасцю перад абліччам гэтага кашмару".
