Завяршыўся першы этап чэмпіянату Беларусі па хакеі

Цэнтральнай сустрэчай была гульня двух лідараў — “Юнацтва” і “Нёмана”, якая скончылася перамогай сталічнай каманды з лікам 2:1. Аднак гэтая перамога не мела для “Юнацтва” турнірнага значэння: “Нёман” выйшаў на першае месца датэрмінова.

Астатнія матчы прайшлі з такімі вынікамі: “Гомель” — “Металург” — 1:5, “Ліда” — “Шахцёр” — 3:5, “Віцебск” — “Брэст” — 3:4 (па булітах).

Па выніках першага этапу чэмпіянату Беларусі на 1-5 месца прэтэндуюць:

1.  “Нёман” — 125 ачкоў (52 матчы)
2.  “Юнацтва” — 117 (52)
3.  “Гомель” — 95 (52)
4.  “Металург” — 90 (52)
5.  “Хімік-СКА” — 79 (52)

На 6-10 месца прэтэндуюць:

6.  “Шахцёр” — 96 (52)
7.  “Ліда” — 62 (52)
8.  “Брэст” — 60 (52)
9.  “Віцебск” — 38 (52)
10. “Магілёў” — 27 (52).

На стадыі плэй-оф (1/4 фінала) “Нёман” згуляе з “Брэстам”, “Юнацтва” — з “Лідай”, “Гомель” з “Шахцёрам”, а “Метатург” — з “Хімікам-СКА”. Клубы “Віцебск” і “Магілёў” выбылі з барацьбы за ўзнагароды. Чвэрцьфінальныя серыі пройдуць да трох перамог адной з камандаў. Матчы запланаваныя на 4,5, 8 і, калі спатрэбіцца, на 9 і 11 сакавіка.

Паўфінальныя серыі (14-25 сакавіка) і фінальная (28 сакавіка — 8 красавіка) згуляюць да чатырох перамог адной з каманд, інфармуе БЕЛТА.