За суткі ў ванных патанулі два чалавекі — у Барысаве і Мінску
Чарговыя няшчасныя выпадкі (ілюстрацыйнае фота) / pixabay.com
У ваннай патанула 24-гадовая жыхарка Барысава. Як піша Таварыства ратавання на водах, няшчасны выпадак адбыўся ў нядзелю.
Ноччу гаспадыня кватэры пайшла ў ванны пакой і працяглы час адтуль не выходзіла. Цела знайшоў яе малады чалавек — прачнуўся раніцай і знайшоў дзяўчыну ў ваннай. Ён дастаў яе з вады і выклікаў "хуткую", але ўжо было запозна.
Падобны выпадак адбыўся 16 лютага ў Мінску ў доме па Партызанскім праспекце. Як пішуць ратавальнікі, у ваннай патануў 59-гадовы мужчына.
