Як паступіць Трамп, калі Пуцін не пойдзе на перамір'е? Адказ прэзідэнта ЗША
Уладзімір Пуцін і Дональд Трамп / POOL / ТАСС
"Што будзе, калі Пуцін не пагодзіцца на перамір'е? Што вы будзеце рабіць тады?" Такое пытанне прэзідэнту ЗША задала журналістка Украінскай службы Бі-бі-сі Міраслава Пеца.
На думку амерыканскага лідэра, фіналу вайны жадаюць і Зяленскі, і Пуцін, але прадказаць сітуацыю немагчыма.
"Паглядзім, што будзе, — кажа Трамп. — Калі… я думаю, прэзідэнт Пуцін хоча скончыць вайну. Я размаўляў з ім учора дзве з паловай гадзіны, мы абмеркавалі шмат дэталяў. Я думаю, ён хоча, каб яна скончылася".
"Я думаю, прэзідэнт Зяленскі таксама хоча, каб яна скончылася. Цяпер нам трэба гэта зрабіць", — дадаў ён.
Пра тое, што будзе рабіць сам Трамп, калі бакі не дамовяцца, ён так і не сказаў.
