Вярхоўны суд: Мінскіх суддзяў звольнілі за “непрацэсуальныя зносіны”

Вярхоўны суд Беларусі пракаментаваў вызваленне ад пасадаў чатырох суддзяў эканамічнага суда сталіцы. Былі звольненыя старшыня і суддзя Ігар Ждановіч, яго намеснік Сяргей Кулакоўскі, а таксама двое суддзяў — Алег Клюйко і Андрэй Рыбалкін.

Паводле афіцыйнага каментара Вярхоўнага суда, іх вызвалілі ад займанай пасады “ў сувязі са здзяйсненнем праступка, несумяшчальнага са знаходжаннем на дзяржаўнай службе”. Факты такіх дзеянняў выявіла праверка. У прыватнасці, пацвердзілася зносіны па-за судовым працэсам з прадстаўнікамі бакоў. Пасля такіх зносінаў суддзі выносілі рашэнні на карысці таго ці іншага ўдзельніка разбіральніцтва.

Кваліфікацыйныя калегіі суддзяў вынеслі рашэнні пра немагчымасць далейшага знаходжання на займаных пасадах.

Фота: court.by