За "экстрэмізм" асудзілі менеджара наваполацкага банка
Аляксей Камовіч / фота з яго акаўнту на Linkedin
Па абвінавачанні ў "садзеянні экстрэмісцкай дзейнасці" асудзілі менеджара наваполацкага банка. Хутчэй за ўсё, Аляксею Камовічу прызначылі "хімію" з накіраваннем, піша "Наша Ніва".
Камовічу 46 гадоў, ён віцеблянін, але доўгі час жыў у Наваполацку. У банкаўскай сферы мужчына працуе больш за 20 гадоў. Ад лістапада 2017 па жнівень 2021‑га ён узначальваў рэгіянальнае падраздзяленне БПС-Сбербанка ў Наваполацку.
Паведамляецца, што Камовіч таксама ўваходзіў у раду па развіцці прадпрымальніцтва пры Наваполацкім гарвыканкаме (як і многія кіраўнікі буйных прадпрыемстваў і кіраўніцтва раёна), быў чальцом Асацыяцыі наймальнікаў і прадпрымальнікаў.
У чым канкрэтна абвінавачвалі Камовіча — невядома. 12 верасня МУС дадаў яго імя ў спіс "экстрэмістаў".
