Вецер і галалёдзіца. Прагноз надвор'я ў Беларусі на 3 сакавіка
Туман в Беларуси / Еўрарадыё
У панядзелак, 3 сакавіка, надвор'е ў Беларусі будзе воблачнае з праясненнямі. Месцамі пройдуць невялікія ападкі — мокры снег або дождж, у залежнасці ад бягучай тэмпературы.
Уночы і раніцай у асобных раёнах будуць назірацца слабыя туман і галалёд. На дарогах месцамі захаваецца галалёдзіца.
Вецер будзе заходні, умераны. Удзень у асобных раёнах ён узмоцніцца, парывы будуць дасягаць 15-18 м/с.
Тэмпература паветра ўночы складзе ад -3 да +2 градусаў. Удзень слупкі тэрмометраў не будуць сыходзіць у мінус — паветра прагрэецца да +8 градусаў. Такі прагноз даюць у Рэспубліканскім цэнтры па гідраметэаралогіі, кантролі радыяактыўнага забруджвання і маніторынгу навакольнага асяроддзя.
