Ва Украіне знішчаны ці пашкоджаны 202 школы
Ва Украіне падчас баёў і ракетных удараў расійскіх войскаў знішчаны ці пашкоджаны 202 школы, а таксама 34 бальніцы, больш за 1,5 тысячы жылых будынкаў — прыватных і шматкватэрных дамоў. Больш за 900 населеных пунктаў засталіся без святла, вады і цяпла. Такую статыстыку перад пачаткам украінска-расійскіх перамоваў у Беларусі апублікаваў дарадца кіраўніка Офіса прэзідэнта Украіны Міхаіл Падаляк.
