В Пінску на пажары загінулі пенсіянерка і яе сын
У Пінску на пажары загінулі пенсіянерка і яе сын. Здарэнне адбылося ў ноч на суботу ў двухкватэрным драўляным доме па вуліцы Акопавай. Выратавальнікі, якія прыбылі на выклік, знайшлі ў жылым пакоі гаспадыню, жанчыну 1954 года нараджэння. Яе вынеслі на свежае паветра і перадалі медыкам хуткай, аднак уратаваць пацярпелую не атрымалася.
40-гадовы сын гаспадыні кватэры быў знойдзены на кухні — мужчына ляжаў на падлозе. Яго таксама спрабавалі рэанімаваць, але выніку не было і медыкі канстатавалі смерць.
Агонь пашкодзіў перакрыцце і маёмасць у кватэры. Меркаваная прычына здарэння — неасцярожнасць пры курэнні, перадае прэс-служба Брэсцкага абласнога ўпраўлення МНС.
