Уначы туман, удзень дажджы — прагноз надвор'я ў Беларусі на чацвер

У чацвер, 29 траўня, у Беларусі чакаецца пераважнаа воблачнае надвор'е, паведамляе Белгідрамет.

На большай частцы тэрыторыі краіны пройдуць дажджы, у асобных раёнах чакаюцца моцныя дажджы і навальніцы. Уначы і зранку месцамі будзе згушчацца туман. Сіноптыкі абвясцілі жоўты ўзровень небяспекі. Вецер прагназуецца паўднёва-ўсходні ўмераны, пры навальніцах — парывісты.

Тэрмометры ўначы пакажуць 11-16 градусаў цяпла, удзень чакаецца +17..+23 градусы.

Апошнія дні траўня будуць воблачныя з праясненнямі. Удзень прагназуюцца дажджы з навальніцамі, пры навальніцах чакаецца парывісты вецер. Максімальная тэмпература будзе да +24 градусаў — столькі прагназуюць па паўднёвым захадзе Беларусі.