Украінцы лічаць Беларусь аўтарытарнай краінай, а Лукашэнку — нелегітымным

Амаль 60% апытаных украінцаў лічаць, што Беларусь — цалкам аўтарытарная краіна. Такія вынікі прадставіў Інстытут палітычных даследаванняў "Палітычная сфера", прэзентуючы спецыяльнае апытанне сярод жыхароў Украіны на 4-м Астрожскім форуме ў Львове.

Так лічыць 58,27% украінцаў, яшчэ 22,24% — што Беларусь у асноўным аўтарытарная краіна.

Пры гэтым 36,77% рэспандэнтаў мяркуюць, што Беларусь — залежная дзяржава, якая знаходзіцца пад поўным кантролем Расіі.

Пераважная большасць украінцаў лічыць, што Аляксандр Лукашэнка не з’яўляецца легітымным прэзідэнтам Беларусі.

Пры гэтым пазнавальнасць Святланы Ціханоўскай крыху знізілася, хоць яна ўсё яшчэ застаецца вядомай фігурай беларускай палітыкі.

А вось ідэя цалкам спыніць адносіны з лукашэнкаўскай Беларуссю сярод украінцаў перастала быць папулярнай. Пры гэтым колькасць тых, хто падтрымлівае дэмакратычныя сілы Беларусі, застаецца прыблізна на адным узроўні ўжо тры гады.