Удзельніку нафтанаўскага страйку прысудзілі чацвёрты арышт запар
Аляксандр Ляшкоў / viciebskspring.org
Чацвёрты раз запар прысудзілі арышт удзельніку нафтанаўскага страйку 2020 года Аляксандру Ляшкову, піша "Віцебская Вясна".
25 студзеня суддзя суда Наваполацка Зінаіда Балаболава прысудзіла яму 15 сутак па абвінавачанні ў распаўсюдзе "экстрэмісцкіх" матэрыялаў у Telegram. Нагодай стала тое, што Ляшкоў пераслаў спасылку з тг-канала "Беларусь галаўнога мозгу".
Агулам яму прысудзілі ўжо 59 сутак.
На судзе актывіст сваю віну не прызнаў.
