У Віцебску з акна 3-га паверха выпала дзяўчынка
Акно, ілюстрацыйнае фота / pixabay.com
Пяцігадовая дзяўчынка выпала з акна 3-га паверха ў Віцебску. Бацькі і старэйшы брат у гэты момант знаходзіліся дома, але былі занятыя і нават не заўважылі, як дзіця ўпала, распавялі ў СК. Хуткую выклікаў відавочца. Ён жа паведаміў бацькам аб надзвычайным здарэнні.
Судзячы па ўсім, дзіця заглядзелася на вуліцу, абапёрлася на маскітную сетку і выпала. Цяпер дзяўчынка знаходзіцца ў бальніцы.
Раней у СК расказвалі, што летась у Беларусі пры выпадзенні з вокнаў загінулі 6 дзяцей. Сёлета таксама загінула адно дзіця і некалькі атрымалі траўмы.
