У Валожынскім раёне гарэў будынак чыгуначнай станцыі
Пажар пачаўся на гарышчы будынка / Кадр з відэа
У Валожынскім раёне гарэў будынак чыгуначнай станцыі Багданаў (Мінскае аддзяленне Беларускай чыгункі). Як пішуць ратавальнікі, ніхто з людзей не пацярпеў. На графік руху цягнікоў здарэнне не паўплывала.
Пажар пачаўся ў аўторак у 05:14 на гарышчы будынка. На месцы працавалі 8 аўтацыстэрнаў і 2 аўталесвіцы. Агонь пашкодзіў дах па ўсёй плошчы. Праца чыгуначнай станцыі прыпыненая.
Прычына ўзгарання высвятляецца.
