У Століне аўтамабіль пратараніў будынак, кіроўца загінуў (фота)
Здарэнне адбылося прыкладна ў 2.30 ўначы на 17 чэрвеня на вуліцы Церашковай.
Паводле папярэдняй версіі, як паведамляе прэс-служба выратавальнікаў, кіроўца легкавога аўтамабіля "БМВ-525" на скрыжаванні не справіўся з кіраваннем і сутыкнуўся з будынкам дыспетчарскай.
У выніку дарожна-транспартнага здарэння аўтамабіль атрымаў механічныя пашкоджанні. Кіроўца загінуў, 5 пасажыраў пацярпелі. Выратавальнікі дэблакавалі пацярпелую пасажырку і загінулага кіроўцу.
Фота — mchs.gov.by
