У Слоніме вайскоўцаў тэрміновай службы агітавалі ўступаць у міліцыю
Міліцыя шукае папаўненне сярод цяперашніх вайскоўцаў / diatlovonews.by
У Слоніме вайскоўцаў тэрміновай службы агітавалі ўступаць у міліцыю. У мясцовай вайсковай часці 33933 прайшла "прафарыентацыйная сустрэча". На яе сабралі больш за 300 чалавек, у тым ліку і тых, хто звальняецца ў запас у кастрычніку-лістападзе. Агітавалі вайскоўцаў прадстаўнікі слонімскай і дзятлаўскай міліцыі, у тым ліку і "ідэолагі". А з патэнцыяльнымі кандыдатамі на службу правялі індывідуальныя гутаркі, піша дзятлаўская раённая газета.
