У мінскім парку знайшлі павешанага мужчыну

У адным з мінскіх паркаў знайшлі павешанага мужчыну, такая інфармацыя з'явілася ў гарадскіх тэлеграм-каналах, піша "Зеркало".

Ва ўпраўленні Следчага камітэта па Мінску факт здарэння пацвердзілі, аднак перасцераглі ад заўчасных высноў.

— 4 ліпеня ў лесапаркавай зоне паблізу дома № 15 на вул.Валожынскай выяўлена цела 66-гадовага мужчыны з прыкметамі асфіксіі. Следча-аператыўнай групай праведзены агляд месца здарэння, прызначаная судова-медыцынская экспертыза, вытворчасць якой даручана спецыялістам ГКСЭ, — распавялі ў ведамстве.

Там дадалі, што па гэтым факце праводзіцца праверка, высвятляюцца абставіны здарэння.